За дасягненне высокіх вынікаў сацыяльна-эканамічнага развіцця па выніках 2022 года на рэспубліканскую Дошку гонару занесен Івацэвіцкі лясгас.
Занясенне лясгаса на рэспубліканскую Дошку гонару – гэта прызнанне важкага ўкладу працоўнага калектыву ў развіццё лясной галіны, а таксама дадатковы стымул для далейшай працы і дасягненні больш высокіх вынікаў.
Актыўная моладзь выбірае студатрады
Сёлета дапамогу ў пасадцы лясных культур аказвалі тры студэнцкія атрады; навучэнцы сярэдніх школ і ліцэя г. Івацэвічы. Усяго працавала больш за шесцьдзесят рабят. Удзельнікі студатрада не толькі працавалі на пасадцы новых лесам, але і прынялі ўдзел у мерапрыемствах па тэме беражлівых адносін да галоўнага ляснога багацця. Несумненна, праца ў студэнцкім атрадзе – гэта карыснае і цікавае баўленне часу. Бо ўдзел у студэнцкіх атрадах, гэта сапраўды добры спосаб адначасова зарабіць і цікава правесці час у коле сяброў, а таксама даведацца для сябе шмат новага!
У гэтым годзе рэспубліканская дабрачынная акцыя праводзіцца 16-ы раз і прысвечана Году міру і стварэння. У Брэсцкай вобласці ўмовы надвор’я дазволілі з 1 красавіка пачаць пасадку лясных культур. Старт рэспубліканскай дабрачыннай акцыі быў дадзены ў Івацэвіцкім лясгасе Івацэвіцкім лясніцтве 1 красавіка.
Супрацоўнікі апарата Міністэрства лясной гаспадаркі Рэспублікі Беларусь, кіраўніцтва і персанал УП «Белдзяржахаты», Брэсцкага дзяржаўнага вытворчага лесагаспадарчага аб’яднання і Івацэвіцкага лясгаса перад выездам на лесасеку наведалі Комплексу па вырошчванні пасадачнага матэрыялу з закрытай каранёвай сістэмай. Затым на лесасеке ў 91 квартале Івацэвіцкага лясніцтва імі былі створаны лясныя культуры.
Традыцыйна па ініцыятыве Міністэрства лясной гаспадаркі ў Беларусі пройдзе добраахвотная акцыя “Тыдзень лесу”. У бягучым годзе акцыя пройдзе ў Брэсцкай вобласці з 1 па 8 красавіка і прысвечана яна Году міру і стварэння.
На працягу акцыі “Тыдзень лесу” можна азнаёміцца з лясной гаспадаркай, даведацца, як ствараюцца і захоўваюцца нашы лясы, унесці непасрэдны асабісты ўклад у прымнажэнне лясных багаццяў Рэспублікі. Жадаючых прыняць удзел у акцыі запрашаем на пасадку і дапаўненне лясных культур, добраўпарадкаванне ляснога фонду. Для рэгістрацыі можна звязацца па тэлефоне з лясніцтвамі ці па тэл. 801645-91894, 80295034717 з намеснікам кіраўніка арганізацыі па ідэалагічнай рабоце Касцюкевіч Святланай Сцяпанаўнай.
У мэтах праверкі гатоўнасці лясгаса да пажаранебяспечнага перыяду ў лясгасе прайшоў агляд гатоўнасці лесапажарных каманд лясніцтваў і лясгаса. Праверылі абсталяванасць сродкамі пажаратушэння ПГС і ППІ, спраўнасць тэхнікі, веды і навыкі лесапажарных каманд на выпадак тушэння лясных пажараў. Правялі гутарку і практычныя заняткі па аказанні першай медыцынскай дапамогі. У аглядзе прыняў удзел прадстаўнік Івацэвіцкага РАНС.
Канстытуцыя Рэспублікі Беларусь – Асноўны закон краіны, які мае вышэйшую юрыдычную сілу і замацоўвае асноўныя прынцыпы і нормы прававога рэгулявання важнейшых грамадскіх адносін. Канстытуцыя вызначае дзяржаўны лад, устанаўлівае прынцыпы выбарчай сістэмы, рэгулюе ўтварэнне органаў улады, замацоўвае правы і абавязкі грамадзян.Канстытуцыя Беларусі была прынята 15 сакавіка 1994 года. Яна ўпершыню ў гісторыі беларускай дзяржаўнасці замацавала статус рэспублікі як унітарнай дэмакратычнай сацыяльнай прававой дзяржавы, устанавіла прынцыпы дэмакратычнага ладу, прыярытэт правоў і свабод чалавека, вяршэнства міжнароднага права.Канстытуцыя 1994 года дзейнічае са змяненнямі і дапаўненн15 сакавіка Дзень Канстытуцыі Рэспублікі Беларусьямі, прынятымі на рэспубліканскіх рэферэндумах 24 лістапада 1996 года, 17 кастрычніка 2004 года і 27 лютага 2022 года.Канстытуцыя Рэспублікі Беларусь увасабляе ў сабе пераемнасць і вопыт шматвяковага гістарычнага шляху Беларусі, азначае новы этап у палітычным і сацыяльна-эканамічным развіцці краіны. Яна грунтуецца на неад’емным суверэнным праве беларускага народа мець сваю дзяржаўнасць і быць паўнапраўным суб’ектам сусветнай супольнасці. Беларуская Канстытуцыя гарантуе кожнаму грамадзяніну свабоды і правы, неабходныя для стваральнай працы, дастойнага жыцця і гарманічнага ўсебаковага развіцця асобы.
Праца ў сістэме ЕДАІС сёння разглядалася на рабочай нарадзе з ляснічымі і майстрамі лесу Івацэвіцкага лясгаса. Абмеркавалі шэраг пытанняў, звязаных з парушэннямі пры рабоце з сістэмай, як іх можна пазбегнуць і не дапускаць надалей.
Згодна з Пастановай Міністэрства адукацыі Рэспублікі Беларусь ад 3 лютага 2023 г. № 41 «Аб змене пастановы Міністэрства адукацыі Рэспублікі Беларусь ад 17 жніўня 2022 г. № 268 № устаноўлены наступныя тэрміны для паступлення на бюджэт на ўмовах мэтавай падрыхтоўкі.
✔️ З 1 па 5 чэрвеня абітурыенту і яго законнаму прадстаўніку (бацьку) неабходна заключыць дагавор аб мэтавай падрыхтоўцы (бланк дагавора дае лясгас) і падаць яго разам з дакументамі ў БДТУ;
✔️ Не пазней за 15 чэрвеня неабходна прадаставіць арыгінал атэстата аб агульнай сярэдняй адукацыі або арыгінал дыплома аб прафесійна-тэхнічнай адукацыі і дадатку да яго або арыгінал дыплома аб сярэдняй спецыяльнай адукацыі і дадатку да яго;
✔️ З 6 па 13 чэрвеня здаць 1 (адзін) унутраны іспыт у БДТУ (плануецца ў вуснай форме) па хіміі ці фізіцы ў залежнасці ад абранай спецыяльнасці.
Залічэнне абітурыентаў на мэтавую падрыхтоўку праводзіцца па конкурсе на аснове агульнай сумы балаў, палічанай па выніках здачы ўнутранага экзамену і сярэдняга бала дакумента аб адукацыі. Залічэнне будзе праведзена да 16 чэрвеня 2023 г
Менш чым праз гадзіну абмяркуем гэтае пытанне падчас пашыранага паседжання калегіі ДВЛГА
Лесааднаўленне, прамысловая дзейнасць, паляўнічая гаспадарка – пагаворым прадметна аб усіх напрамках. За кожнай лічбай – вынік працы канкрэтных працаўнікоў.
Удзел у пасяджэнні абласной калегіі прыме і першы намеснік міністра лясной гаспадаркі Аляксандр Драгун, кіраўнікі асобных структурных падраздзяленняў Мінлясгаса і рэспубліканскіх арганізацый.
Аб выніках работы лясгасаў вобласці даложыць генеральны дырэктар аб’яднання Анатоль Леванюк.
З 23 па 26 лютага 2023 г. у Мінску па адрасе: пр. Пераможцаў, 4, Палац спорту пройдзе міжнародная спецыялізаваная выстава-кірмаш “Паляванне і рыбалоўства-2023”.
Арганізатарам выступае Нацыянальны выставачны цэнтр “БелЭкспа”. Выстаўка праводзіцца пры падтрымцы і ўдзеле Міністэрства лясной гаспадаркі Рэспублікі Беларусь, УП “Белдзяржахота” і РДГА “Беларускага таварыства паляўнічых і рыбаловаў”.
У рамках праграмы выставы плануецца правядзенне семінараў, прэзентацый і конкурсаў вытворцаў і пастаўшчыкоў тавараў, чэмпіянату вабільшчыкаў аленя, продаж прадукцыі з мяса дзікіх жывёл.
У перыяд работы выстаўкі будзе праведзена другая міжнародная навукова-практычная канферэнцыя “Сучасныя праблемы паляўніцтвазнаўства і захавання біяразнастайнасці”, якая прысвечана дваццаціпяцігоддзю ўтварэння УП “Белдзяржахота”. Падрабязную інфармацыю па ўмовах удзелу ў канферэнцыі можна знайсці на сайце УП “Белдзяржахота”.
У гэтым годзе выстава будзе суправаджацца шырокай праграмай:
Экспанаты выстаўкі прадставяць паляўнічыя і рыбалоўныя тавары, паслугі па арганізацыі актыўнага адпачынку, рыбалоўныя і паляўнічыя туры, турыстычныя і спартыўныя тавары, грыбы, ягады, мёд, а таксама спецыяльную літаратуру.
Удзельнікі змогуць пазнаёміць сваю мэтавую аўдыторыю з уласным брэндам і навінкамі, устанавіць дзелавыя кантакты і ўлавіць рух рынку.
Звяртаем увагу наведвальнікаў: уваход вольны. Час працы:
23 – 25 лютага: 10.00 – 19.00
26 лютага: 10.00 – 18.00
Пастановай Савета Міністраў ад 18 студзеня 2023 года нумар 43 устаноўлены пералік юрыдычных асоб, якім дровы ў нарыхтаваным выглядзе рэалізуюцца па-за біржавымі таргамі. Дакумент афіцыйна апублікаваны на Нацыянальным прававым інтэрнет-партале, паведамляе БЕЛТА.
У пералік увайшлі выканаўчыя камітэты, спажывецкія таварыствы, унітарныя прадпрыемствы, установы адукацыі і аховы здароўя, фермерскія гаспадаркі і іншыя арганізацыі. Усяго ў спісе іх 2625.
Абавязковаму ўключэнню ў пералік падлягалі юрыдычныя асобы, якія фінансуюцца за кошт сродкаў рэспубліканскага і мясцовых бюджэтаў і маюць катлы і (або) іншыя энергакрыніцы, якія працуюць на дровах, уваходзяць у сістэму Мінэнерга, адносяцца да палівазабеспячальных арганізацый, а таксама да арганізацый жыллёва-камунальнай гаспадаркі, якія знаходзяцца у камунальнай уласнасці. Спіс быў сфарміраваны Мінлясгасам на падставе прапаноў, якія прадстаўляюцца рэспубліканскімі органамі дзяржкіравання, іншымі дзяржарганізацыямі, падпарадкаванымі ўраду, абласнымі і Мінскім гарадскім выканаўчымі камітэтамі.
Пастанова ўступае ў сілу пасля яе афіцыйнага апублікавання.
18 студзеня ў вялікай залі райвыканкама прайшла вучоба ідэалагічнага актыву. Сярод запрошаных былі намеснікі кіраўнікоў, спецыялісты арганізацый раёна і адказныя за ідэалагічную працу ў працоўных калектывах. У ходзе пасяджэння былі падведзены вынікі работы ідэалагічнай вертыкалі раёна за 2022 год і вызначаны задачы на 2023 год.
Асаблівая ўвага была ўдзелена пытанням рэалізацыі дзяржаўнай маладзёжнай палітыкі і рабоце пярвічных арганізацый ГА “БРСМ” на прадпрыемствах раёна.
Таксама былі разгледжаны пытанні далейшага супрацоўніцтва з раённай газетай “Івацэвіцкі веснік”, сумесныя праекты і планы на 2023 год.
У Беларусі вызначаны таксавы кошт на драўніну асноўных лясных парод, якая адпускаецца на пні, у 2023 годзе. Адпаведная пастанова Савета Міністраў Рэспублікі Беларусь № 947 ад 30 снежня 2022 г. апублікавана на Нацыянальным прававым Інтэрнет-партале.
У адпаведнасці з Дырэктывай Прэзідэнта Рэспублікі Беларусь ад 6 кастрычніка 2022 г. нумар 10 “Аб недапушчальнасці росту цэн” таксавы кошт на драўніну асноўных лясных парод, што адпускаецца на пні, у 2023 годзе не змяніўся ў параўнанні з 2022 годам. Згодна з пастановай Урада, у прыватнасці, такса першага разраду за адзін шчыльны кубаметр буйной дзелавой драўніны без кары для хвоі і лістоўніцы складае 27,90 рубля, елкі, піхты – 24,36 рубля, дуба, ясеня і клёну – 96,44 рубля, бярозы (акрамя бярозы карэльскай) – 9,22 рубля.
Таксы – своеасаблівая плата за вырошчванне драўніны. Яны прызначаны для кампенсацыі затрат лясной гаспадаркі на ўзнаўленне, ахову і абарону лясоў. Кошт драўніны, якая адпускаецца на пні, вызначаецца паводле памеру такс (з 1-го па 5-й разрад) у залежнасці ад катэгорыі якасці (буйная, сярэдняя, дробная, дрывяная драўніна), а таксама парод (хвоя, елка, дуб, бяроза, асіна, алешына шэрая і інш.).
